കേരളം വിധിയെഴുതി… പ്രവചനാതീതം… ഏറ്റവും ഉയര്‍ന്ന പോളിംഗ്…
സംസ്ഥാനത്ത് നല്ല പോളിംഗ് രേഖപ്പെടുത്തിയപ്പോൾ ഫലം പ്രവചനാതീതമായി മാറിയിരിക്കുകയാണ്. മുന്നണികളുടെ നെഞ്ചിടിപ്പ് കൂട്ടുന്നതാണ് പോളിംഗ് കണക്കുകള്‍. കണ്ണൂര്‍ ലോക്‌സഭാ മണ്ഡലത്തിലാണ് ഏറ്റവും ഉയര്‍ന്ന പോളിംഗ്.
ഏറ്റവും കുറവ് പത്തനംതിട്ടയിലും. കാടിളക്കിയുള്ള പ്രചാരണത്തില്‍ മാറി മറിഞ്ഞ വിഷയങ്ങളില്‍ ജനങ്ങളെ സ്വാധീനിച്ചത് ഏതൊക്കെ എന്നത് ഏറെ നിര്‍ണായകമാണ്. ജനങ്ങള്‍ ആവേശത്തോടെ സമീപിച്ചെങ്കിലും, വോട്ടിംഗ് മെഷീന്‍ തകരാറും സാങ്കേതിക പ്രശ്‌നങ്ങളും തിരഞ്ഞെടുപ്പ് ഉദ്യോഗസ്ഥരുടെ പരിചയക്കുറവും പലയിടത്തും വോട്ടിംഗ് നടപടികള്‍ വൈകുന്നതിന് കാരണമായി. എല്ലാ മുന്നണികളും വിജയ പ്രതീക്ഷ പറയുമ്പോളും ഉള്ളിൽ എങ്ങുമെത്താത്ത കണക്കുകളാണ് ബാക്കിയുള്ളത് എന്നാണ് രാഷ്ട്രീയ നിരീക്ഷകരുടെ വിലയിരുത്തൽ.
