കെ.എസ്.ആർ.ടി.സി ബസ്സും പിക് അപ്പ് വാനും കുട്ടിയിടിച്ച് യുവാവ് മരിച്ചു….

കിളിമാനൂർ: കെ.എസ്.ആർ.ടി.സി ബസ് പിക് വാനുമായി കൂട്ടിയിടിച്ച് വാനിൽ സഞ്ചരിച്ചിരുന്ന യുവാവ് മരിച്ചു.
മടവൂർ തുമ്പോട് വാറുവിള പുത്തൻ വീട്ടിൽ പി.ടി.മോഹനൻപിള്ളയുടെയും പി.വത്സലകുമാരിയുടെയും മകൻ
നികേഷ് എം.വി (33) യാണ് മരിച്ചത്. ഞായറാഴ്ച രാവിലെ 7.30-ന് കൊല്ലം വെളിയം പൂയപ്പള്ളിയിലായിരുന്നു അപകടം.

ഫാമിൽ നിന്ന് കോഴിയുമായി പോയ പിക് അപ്പ് വാൻ ആണ് അപകടത്തിൽപ്പെട്ടത്. അപകടത്തിൽ ഗുരുതരമായി പരിക്കേറ്റ നികേഷിനെ സ്വകാര്യ മെഡിക്കൽ കോളേജ് ആശുപത്രിയിലും, തുടർന്ന് തിരുവനന്തപുരം മെഡിക്കൽ കോളേജ് ആശുപത്രിയിലും എത്തിച്ചെങ്കിലും രക്ഷിക്കാനായില്ല.കോഴി ഫാമിലിലെ ജീവനക്കാരനായിരുന്നു മരിച്ച നികേഷ്. സഹോദരി: നിഷ എം.വി. സംസ്കാരം തിങ്കളാഴ്ച ഉച്ചയ്ക്ക് 2ന് വീട്ടുവളപ്പിൽ.