കെ.എസ്.ആർ.ടി.സിയിൽ ശമ്പളം മുടങ്ങി.. തലകുത്തി നിന്ന് പ്രതിഷേധിച്ച് ജീവനക്കാരൻ…
ഇടുക്കി: കെ.എസ്.ആർ.ടി.സിയിൽ ശമ്പളം മുടങ്ങിയതിന് പിന്നാലെ തലകുത്തി നിന്ന് പ്രതിഷേധിച്ച് ജീവനക്കാരൻ. മൂന്നാർ ഡിപ്പോയിലെ ഡ്രൈവർ കെ.എസ് ജയകുമാറാണ് തലകുത്തി നിന്ന് പ്രതിഷേധം നടത്തിയത്. അര മണിക്കൂറോളം ജയകുമാര്‍ തലകുത്തി നിന്ന് പ്രതിഷേധം തുടര്‍ന്നു. ബിഎംഎസ് എംപ്ലോയീസ് സംഘ് ജില്ലാ വർക്കിംഗ് പ്രസിഡന്‍റ് ആണ് ജയകുമാര്‍. പതിമൂന്നാം തീയ്യതി ആയിട്ടും കെ.എസ്.ആർ.ടി.സി ജീവനക്കാര്‍ക്ക് ശമ്പളം ലഭിക്കാതായതോടെയാണ് ഇങ്ങനെയൊരു പ്രതിഷേധം നടത്താൻ ജയകുമാര്‍ തീരുമാനിച്ചത്. സഹപ്രവര്‍ത്തകരും ജയകുമാറിന് പിന്തുണയായി കൂടെയുണ്ടായിരുന്നു. ഇനിയും ശമ്പളം കിട്ടിയില്ലെങ്കില്‍ കൂടുതല്‍ ശക്തമായ പ്രതിഷേധത്തിലേക്ക് കടക്കുമെന്നാണ് ഇവര്‍ അറിയിക്കുന്നത്.
