കെഎസ്ആർടിസി ഡിപ്പോയിൽ നിന്ന് ബസ് മോഷണം; പ്രതി പിടിയിൽ…
കൊല്ലം: കെഎസ്ആർടിസി ഡിപ്പോയിലെ ബസ് മോഷ്ടിച്ചു. കൊല്ലം പുനലൂർ ഡിപ്പോയ്ക്ക് സമീപം പത്തനാപുരം റോഡിൽ പാർക്ക് ചെയ്തിരുന്ന ബസ്സാണ് മോഷ്ടിച്ചത്. പരിശോധന നടത്തുകയായിരുന്ന പൊലീസ് ബസുമായി കടന്ന പ്രതിയെ പിടികൂടി. ഒറ്റക്കൽ സ്വദേശി ബിനീഷാണ് പിടിയിലായത്. ഹെഡ് ലൈറ്റ് ഇടാതെ വന്ന ബസ് പൊലീസുകാർ നിർത്താൻ ആവശ്യപ്പെട്ടതോടെയാണ് പ്രതി കുടുങ്ങിയത്. പൊലീസുകാർ കൈ കാണിച്ചെങ്കിലും ദൂരെ മാറിയാണ് ബസ് നിർത്തിയത്. തുടർന്ന് രക്ഷപ്പെടാൻ ശ്രമിക്കുന്നതിനിടെയാണ് പ്രതി പിടിയിലായത്.
