കുവൈറ്റ് ദുരന്തം..ലോക കേരളസഭയുടെ ഉദ്ഘാടനവും പരിപാടികളും ഒഴിവാക്കി…

തിരുവനന്തപുരം:ലോക കേരള സഭയുടെ ഉദ്ഘാടന സമ്മേളനവും സെമിനാറും അനുബന്ധ പരിപാടികളും ഒഴിവാക്കിയതായി സർക്കാർ അറിയിച്ചു. കുവൈത്തിൽ തീപിടിത്ത ദുരന്തത്തിന്റെ പശ്ചാത്തലത്തിലാണ് ലോക കേരള സഭയുടെ ഉദ്ഘാടന സമ്മേളനവും സെമിനാറും അനുബന്ധ പരിപാടികളും ഒഴിവാക്കിയത്. 14 , 15 തീയ്യതികളിൽ ലോക കേരളസഭാ സമ്മേളനം നിശ്ചയിച്ച പ്രകാരം നടക്കും. ആഘോഷ പരിപാടികൾ ഉണ്ടാവില്ലെന്നും അധികൃതർ അറിയിച്ചു. നിയമസഭാ മന്ദിരത്തിലെ ആർ.ശങ്കരനാരാണയൻ തമ്പി ഹാളിലാണ് നാളെ സമ്മേളനത്തിന്റെ ഉദ്ഘാടനം നിശ്ചയിച്ചിരുന്നത്.