കുവൈറ്റില്‍ വീണ്ടും തീപിടുത്തം..അഞ്ച് മരണം…
കുവൈത്തിലെ ഫർവാനിയയിൽ കെട്ടിടത്തിലുണ്ടായ തീപിടിത്തത്തിൽ അഞ്ചുപേർ മരിച്ചു.രണ്ടു കുട്ടികള്‍ ഉള്‍പ്പെടെ അഞ്ചു പേരാണ് മരിച്ചത്. സിറിയന്‍ വംശജരായ ഒരേ കുടുംബത്തില്‍ പെട്ടവരാണ് മരിച്ച അഞ്ചു പേരും.തീപിടിത്തത്തെ തുടർന്നുണ്ടായ പുകമൂലം ശ്വാസതടസം അനുഭവപ്പെട്ടാണ് മരണം. നിരവധി പേർക്ക് പരിക്കേറ്റിട്ടുണ്ട്. പരിക്കേറ്റവരെ ആശുപത്രിയിലേക്ക് മാറ്റി. ഫ്‌ലാറ്റിലെ മുകൾ നിലകളിൽ ഒന്നിലെ അപ്പാർട്ട്‌മെന്റിലാണ് തീപിടിച്ചത്. അപകടകാരണം അന്വേഷിച്ചു വരികയാണെന്ന് അധികൃതർ അറിയിച്ചു.
