കുരുമുളക് സ്പ്രേ അടിച്ച ശേഷം പൊലീസിന് മര്‍ദ്ദനം; മൂന്ന് പേര്‍ കസ്റ്റഡിയില്‍
കായംകുളം : ദേവികുളങ്ങര ക്ഷേത്രോത്സവത്തില്‍ കെട്ടുകാഴ്ച്ചക്കിടെയുണ്ടായ സംഘര്‍ഷത്തില്‍ പൊലീസുകാരെ മര്‍ദിച്ച സംഭവത്തില്‍ മൂന്നുപേര്‍ അറസ്റ്റില്‍. സംഘര്‍ഷത്തിനിടെ കുരുമുളക് സ്പ്രേ അടിച്ചശേഷം പൊലിസിനെ മര്‍ദിച്ച സംഘത്തിൽ ഉള്ളവരാണ് അറസ്റ്റിലായിരിക്കുന്നത്.
കൃഷ്ണപുരം സ്വദേശി സുമേഷ്, പ്രയാര്‍ സ്വദേശി രൂപേഷ് കൃഷ്ണന്‍, പുതുപ്പള്ളി സ്വദേശി അഖില്‍ എന്നിവരാണ് അറസ്റ്റിലായത്. രണ്ടു പൊലീസുകാര്‍ക്ക് മര്‍ദനത്തില്‍ പരിക്കേറ്റിരുന്നു. പ്രവീണ്‍, സബീഷ് എന്നിവര്‍ക്കാണ് പരിക്കേറ്റത്.
