കീം… എസ്.സി വിഭാഗത്തിൽ ഒന്നാം റാങ്ക്… മാവേലിക്കര സ്വദേശി ധ്രുവ് സുമേഷിന്…

മാവേലിക്കര- എഞ്ചിനീയറിംഗ് റാങ്ക് ലിസ്റ്റ് പ്രസിദ്ധീകരിച്ചപ്പോൾ എസ്.സി വിഭാഗത്തിൽ ഒന്നാം റാങ്ക് മാവേലിക്കര സ്വദേശി ധ്രുവ് സുമേഷിന് ലഭിച്ചു. ജനറൽ വിഭാഗത്തിൽ 209ാം റാങ്കാണ് മാവേലിക്കര തഴക്കര വഴുവാടി കൽപ്പക സാം വില്ലയിൽ ധ്രുവ് നേടിയത്. ചെങ്ങന്നൂർ എഞ്ചിനിയറിംഗ് കോളേജ് അസ്സി.പ്രൊഫസ‌ർ സാം.കെ സുമേഷിന്റെയും കാസർഗോഡ് കയ്യൂർ ഗവ.റ്റി.റ്റി.ഐയിലെ അദ്ധ്യാപിക മിശ രതിയുടേയും മകനാണ്.

മറ്റം സെന്റ് ജോൺസിൽ പഠിച്ച ധ്രുവ് എല്ലാ വിഷയത്തിലും എ പ്ലസ് നേടിയാണ് പത്താം ക്ലാസ് പാസായത്. പള്ളിത്തോട് അരവിന്ദ് വിദ്യാമന്ദിർ സ്കൂളിലായിരുന്നു പ്ലസ് ടു പഠനം. പാലാ ബ്രില്യന്റ് കോച്ചിംഗ് സെന്ററിൽ എഞ്ചിനിയറിംഗ് കോച്ചിംഗ് നേടി. ജയ് പരീക്ഷ എഴുതിയിരുന്ന ധ്രുവ് എസ്.സി വിഭാഗത്തിൽ 515ാം റാങ്കും ജനറൽ വിഭാഗത്തിൽ 20,371ാം റാങ്കും നേടിയിരുന്നു. നിലവിൽ കാലിക്കറ്റ് എൻ.ഐ.റ്റിയിൽ കമ്പ്യൂട്ടർ സയൻസിന് അഡ്മിഷൻ എടുത്ത ധ്രുവിന് കമ്പ്യൂട്ടർ എഞ്ചിനിയർ ആയ ശേഷം എം.ബി.എയും എടുക്കാൻ ആഗ്രഹം ഉണ്ട്.