കാറും ബൈക്കും കൂട്ടിയിടിച്ച് യുവതി മരിച്ചു; ഗുരുതര പരിക്കുകളോടെ ഒരാൾ ആശുപത്രിയിൽ…

മലപ്പുറം: കാറും സ്കൂട്ടറും കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. മലപ്പുറം മൂത്തേടത്താണ് അപകടമുണ്ടായത്. ചേലത്തു കുഴിയിൽ ഫർഹാന (24 )യാണ് മരിച്ചത്. ഇവർ ഓടിച്ചിരുന്ന സ്കൂട്ടറിൽ കാർ ഇടിക്കുകയായിരുന്നു. സ്കൂട്ടറിൽ ഉണ്ടായിരുന്ന സഹയാത്രികയെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. ഇടിയുടെ ആഘാതത്തിൽ കാറിൻ്റെ മുൻഭാ​ഗം തകർന്നു. ഫർഹാന സംഭവ സ്ഥലത്ത് വെച്ച് തന്നെ മരിച്ചു. മൃതദേഹം ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.