കാമുകനുമായി പിണങ്ങിയ യുവതി ആത്മഹത്യ ചെയ്യാനായി വൈദ്യുത ടവറിൽ കയറി.. പിന്നാലെ…

കാമുകനുമായി പിണങ്ങിയ യുവതി വൈദ്യുത ടവറിൽ കയറി ആത്മഹത്യ ഭീഷണി മുഴക്കി. 150 അടി ഉയരമുള്ള വൈദ്യുത ടവറിൽ കയറി ഇപ്പോൾ ചാടുമെന്നായിരുന്നു യുവതിയുടെ ഭീഷണി. പിന്നാലെ യുവതിയെ അനുനയിപ്പിച്ച് താഴെയിറക്കാൻ കാമുകനും കയറി. സംഭവത്തിന്റെ വീഡിയോ ദൃശ്യങ്ങൾ സാമൂഹ്യ മാദ്ധ്യമങ്ങളിൽ പ്രചരിക്കുന്നുണ്ട്. ന്യൂഡൽഹിയിലാണ് സംഭവം.

വലിയ വിമർശനങ്ങളാണ് വീഡിയോയ്ക്ക് ലഭിക്കുന്നത്. യുവതി ടവറിന്റെ ഏറ്റവും മുകളിലാണ് കയറിയിരുന്നത്. പിന്നാലെ കാമുകനും കയറുന്ന ദൃശ്യങ്ങൾ വീഡിയോയിൽ കാണാം. മുപ്പത് മിനിട്ടിന് ശേഷമാണ് ഇരുവരും വൈദ്യുത ടവറിൽ നിന്നും താഴെയിറങ്ങിയത്. സംഭവത്തിൽ കേസ് രജിസ്റ്റർ ചെയ്തതായി പോലീസ് അറിയിച്ചു.