കാണാതായ 12 കാരനെ കണ്ടെത്തി…

തിരുവനന്തപുരം കാണാതായ 12 വയസുകാരനെ കണ്ടെത്തി. നാഗർകോവിൽ ഔട്ട്പോസ്റ്റിന് സമീപത്തുനിന്നാണ് കുട്ടിയെ കണ്ടെത്തിയത്. മാതാപിതാക്കളെ അറിയിക്കാതെ നാഗർകോവിലെ അമ്മയുടെ വീട്ടിലേക്ക് പോവുകയായിരുന്നു. ഇന്നലെ ഉച്ചയ്ക്ക് ഒന്നരയോടെ കിള്ളിപ്പാലത്ത് വെച്ചാണ് കുട്ടിയെ കാണാതായത്. വീട്ടുമുറ്റത്ത് കളിച്ചുകൊണ്ടിരിക്കേയായിരുന്നു കാണാതായത്.

തമ്പാനൂർ കെഎസ്ആർടിസി ബസ്റ്റാൻഡിൽ തമിഴ്നാട് ഭാഗത്തേക്ക് പോകുന്ന ബസുകളുടെ ഭാഗത്ത് ഗൗതം വന്നതായി കണ്ടെത്തി. ഇത് കേന്ദ്രീകരിച്ച് നടത്തിയ അന്വേഷണത്തിലാണ് കുട്ടിയെ നാഗർകോവിൽ പൊലീസ് കണ്ടെത്തിയത്. രാത്രിയോടെ ബന്ധുക്കളെത്തി കുട്ടിയെ തിരികെ കൊണ്ടുവന്നു.