കാട്ടാനയുടെ പരാക്രമം… തൂക്കിയെടുത്ത് എറിഞ്ഞു…കട…

കാട്ടാനയുടെ പരാക്രമം. ഇന്ന് രാവിലെയാണ് കോയമ്പത്തൂർ പേരൂർ ഭാഗത്തായി കാട്ടാന എത്തിയത്. ആനക്കട്ടിയിൽ നിന്നാണ് ആന എത്തിയത്. ആദ്യം അക്രമാസക്തനല്ലാതിരുന്ന ആന പിന്നീട് പ്രകോപിതനാകുകയായിരുന്നു. പേരൂരിൽ നിന്ന് ശിരുവാണി ഭാഗത്തേക്ക് പോകുന്നതിനിടെയാണ് ആന അക്രമം തുടങ്ങിയത്. വനംവകുപ്പ് ജീവനക്കാർ എത്തി ആനയെ തിരികെ കാട്ടിലേക്ക് കയറ്റാൻ ശ്രമം തുടങ്ങി. ഇതോടെ ആന ഓടാൻ തുടങ്ങുകയായിരുന്നു.

ഓട്ടത്തിനിടെ മതിലിന് അപ്പുറത്ത് നിൽക്കുകയായിരുന്ന ഒരാളെ ആന ആക്രമിച്ചു. സമീപത്തെ കട തകർത്തുകൊണ്ട് മതിലിന് അപ്പുറം കടന്നാണ് ആന അക്രമം നടത്തിയത്. പ്രദേശവാസിയെ ആന തുമ്പിക്കൈയിൽ തൂക്കിയെടുത്ത് എറിയുകയായിരുന്നു. ഇയാൾക്ക് നിസാര പരിക്കേയുള്ളൂ.