കഴക്കൂട്ടത്ത് അനധികൃത മദ്യ വില്പന..രണ്ടുപേർ പിടിയിൽ…

കഴക്കൂട്ടത്ത് അനധികൃത മദ്യ വില്പന നടത്തിയ രണ്ടുപേരെ പോലീസ് പിടികൂടി. തുമ്പയ്ക്കു സമീപം പോലീസ് നടത്തിയ പരിശോധനയിൽ പോലീസ് ഓട്ടോറിക്ഷയിൽ നിന്ന് 36 ലിറ്റർ ഇന്ത്യൻ നിർമ്മിത മദ്യം പിടികൂടിയത്. വള്ളക്കടവ് സ്വദേശി റിനോയ് (36), സെന്റ് ആൻഡ്രൂസ് സ്വദേശി ആന്റണി എന്നിവരെയാണ് കഴക്കൂട്ടം പോലീസ് അറസ്റ്റ് ചെയ്തത്. തീരദേശത്ത് വ്യാപകമായി മദ്യ വില്പന നടത്താനാണ് ഇവർ ഓട്ടോറിക്ഷയിൽ മദ്യം കടത്തിയത്. ഓണത്തോടനുബന്ധിച്ച് പോലീസ് വ്യാപകമായി പരിശോധന നടത്തിവരുന്നു .