കളരി പഠിക്കാൻ വീട്ടിൽ തിരക്ക്…. അമ്പലപ്പുഴയിൽ യുവാവ് കഞ്ചാവുമായി പിടിയിൽ…..

അമ്പലപ്പുഴ : ഒരു കിലോ കഞ്ചാവുമായി യുവാവ് പിടിയിൽ. നീർക്കുന്നം കളത്തിൽ വീട്ടിൽ സജിത്ത് (33) നെ ആണ് ജില്ലാ ലഹരി വിരുദ്ധ സ്ക്വാഡും അമ്പലപ്പുഴ പൊലിസും ചേർന്ന് 1.130  കിലോ ഗ്രാം കഞ്ചാവുമായി വളഞ്ഞ വഴി എസ്.എൻ കവലക്കു സമീപം വെച്ച് പിടികൂടിയത്.

മാസങ്ങളായി ഒഡിസയിൽ നിന്ന് കഞ്ചാവ് നാട്ടിലെത്തിച്ചു വിൽപ്പന നടത്തിവരികയായിരുന്നു. കഴിഞ്ഞ കുറെ മാസങ്ങളായി കളരി പഠിപ്പിക്കാൻ എന്ന വ്യാജേന ഇയാളുടെ വീട്ടിൽ പല സ്ഥലങ്ങളിൽ നിന്നും കുട്ടികളും യുവാക്കളും സന്ധ്യ സമയങ്ങളിൽ വന്ന് പോകുന്നതായി പരാതി ലഭിച്ചിരുന്നു. തുടർന്ന് ഇയാളെ രഹസ്യമായി നിരിക്ഷിച്ച് വരികയായിരുന്നു പൊലീസ്. മുൻപ് പല പ്രാവിശ്യം ഇയാളെ പിടി കൂടിയിരുന്നെങ്കിലും  ചെറിയ അളവ് മാത്രമേ കിട്ടിയിരുന്നുള്ളു.

ജില്ലാ ലഹരി വിരുദ്ധ സ്ക്വാഡ ഡി.വൈ.എസ്.പി ബി. പങ്കജാക്ഷന്റെ നേതൃത്വത്തിലുള്ള ലഹരി വിരുദ്ധ സ്ക്വാഡും, അമ്പലപ്പുഴ ഡി.വൈ.എസ്.പി  അനീഷിന്റെ നേതൃത്വത്തിലുള്ള അമ്പലപ്പുഴ സി.ഐ പ്രതിഷ് കുമാർ ,എസ്.ഐ ഹരിദാസ് ഗ്രേഡ് എസ്.ഐ പ്രദിപ്  ,എസ്.സി.പി.ഒ സിദിഖ്, രതീഷ്, ടോണി എന്നിവരടങ്ങിയ സംഘമാണ് പ്രതിയെ പിടികുടിയത്. റാംസാൻ, വിഷു വിശേഷ ദിവസങ്ങൾ പ്രമാണിച്ച്  ശക്തമായ പരിശോധനകളാണ് ഡാൻസാഫി ന്റെ നേതൃത്വത്തിൽ നടത്തിവരുന്നതെന്ന്  നർകോട്ടിക് സെൻ ഡി.വൈ.എസ്.പി പങ്കജാക്ഷൻ പറഞ്ഞു.