കരുവന്നൂർ കേസ്..ഇരുപതോളം പേരെ കൂടി പ്രതി ചേർക്കാൻ ഇ.ഡി…

കരുവന്നൂർ കള്ളപ്പണ ഇടപാട് കേസിൽ സിപിഎമ്മിനെതിരെയുളള നടപടികൾ കടുപ്പിക്കാനൊരുങ്ങി ഇ ഡി. കേസിൽ ഇരുപതോളം പേരെ കൂടി പ്രതി ചേർക്കാനൊരുങ്ങി.ബാങ്കിന് വലിയ സാമ്പത്തിക ബാധ്യത ഉണ്ടാക്കിയവരെയാണ് പ്രതി ചേർക്കുക. കൂടാതെ ബാങ്കിൽ നിന്നും അനധികൃത വായ്പ സ്വീകരിച്ച്‌ തിരിച്ചടയ്ക്കാത്തവരും പ്രതികളാകും. കേസിൽ രണ്ടാം കുറ്റപത്രം ഉടൻ സമർപ്പിക്കും.

സിപിഎമ്മിന്റെ പേരിലുളള സ്വത്തുക്കൾ കഴിഞ്ഞ ദിവസം ഇ ഡി കണ്ടുകെട്ടിയിരുന്നു.കരുവന്നൂർ ബാങ്കിൽ പാർട്ടിയുടെ പേരിലുളള അഞ്ച് അക്കൗണ്ടുകളും, ജില്ലാ കമ്മിറ്റിയുടെ രണ്ട് അക്കൗ ണ്ടുകളും, ഇരിങ്ങാലക്കുട ഏരിയ കമ്മിറ്റിയുടെ ഒരു അക്കൗണ്ടും കണ്ടുകെട്ടിയവയിൽ ഉൾപ്പെടുന്നു. ലോക്കൽ കമ്മിറ്റി ഓഫീസ് നിർമിക്കാനായി സിപിഎം 5 സെന്റ് ഭൂമി വാങ്ങിയിരുന്നു. ഇതും ഇഡി കണ്ടുകെട്ടിയിട്ടുണ്ട്. കേസിലെ രണ്ടാം ഘട്ട അന്വേഷണത്തിനിടെ സിപിഎമ്മിനെയും അന്വേഷണസംഘം പ്രതി ചേർത്തു.