കരമന അഖിൽ കൊലപാതകം..കൊലയാളി സംഘത്തിലെ ഡ്രൈവർ അനീഷ് പിടിയിൽ….
കരമന അഖില്‍ വധക്കേസില്‍ കൊലയാളി സംഘത്തില്‍ ഉള്‍പ്പെട്ട ഒരാൾ പൊലീസ് പിടിയിൽ . ഡ്രൈവർ അനീഷാണ് പിടിയിലായത് . ബാലരാമപുരത്തു നിന്നാണ് ഇയാളെ പിടികൂടിയത്. മറ്റൊരിടത്തേക്ക് ഒളിവിൽ പോകാൻ തയ്യാറെടുക്കുന്നതിനിടെയായിരുന്നു പൊലീസ് പിടികൂടിയത് .ബാക്കി മൂന്ന് പ്രതികള്‍ ഒളിവിലാണെന്നാണ് സൂചന .
അഖിൽ, വിനീത്, സുമേഷ് എന്നിവരാണ് ഒളിവിലുള്ളത് .ഇവർ ലഹരിസംഘത്തിലെ ഗുണ്ടാ സംഘമെന്നാണ് പൊലീസ് പറയുന്നത്. പ്രതികൾക്കായുള്ള തെരച്ചിൽ പൊലീസ് ഊർജിതമാക്കി. കൊലപാതകത്തിന് കാരണം മുൻവൈരാഗ്യമെന്നാണ് പൊലീസ് കണ്ടെത്തൽ. തെരഞ്ഞെടുപ്പ് ദിവസം പാപ്പനംകോട്ടെ ബാറിൽ അഖിലും മറ്റൊരു സംഘവുമായി സംഘർഷമുണ്ടായിരുന്നു. എതിർ സംഘത്തിലെ ആളുകളെ അഖിൽ കല്ലുകൊണ്ട് തലയ്ക്ക് ആക്രമിച്ചിരുന്നു. തുടർന്നുണ്ടായ വൈരാഗ്യം മൂലം എതിർസംഘത്തിൽപ്പെട്ടയാളുകൾ ഇന്നലെ അഖിലിനെ ആക്രമിക്കുകയായിരുന്നു എന്നാണ് പൊലീസ് പറയുന്നത് .
