ഒരു പൂവൻകോഴിയുടെ വില 13,300 രൂപ!!!

ഇടുക്കി: നമ്മുടെ നാട്ടിൽ ഒരു കിലോ കോഴിയിറച്ചിക്ക് എന്ത് വിലയുണ്ട് ? 200 രൂപ അല്ലെ. എന്നാൽ ഇടുക്കിയിൽ ഒരു പൂവൻകോഴിയെ വിറ്റത് 13,300 രൂപയ്ക്കാണ്. അതിശയം തോന്നുന്നുണ്ട് അല്ലേ? എന്നാൽ എന്തുകൊണ്ടാണ് ഈ പൂവൻകോഴിക്ക് ഇത്രെയും വില വന്നത് എന്ന് അറിയണ്ടേ?

ഇടുക്കിയിലെ പരിവർത്തനമേട് ക്ലബ് പുനരുജ്ജീവിപ്പിക്കാനാണ് പൂവൻകോഴിയെ ലേലത്തിന് വച്ചത്. പ്രദേശവാസിയായ ആലുങ്കൽ ജോഷിയാണ് കോഴിയെ ലേലത്തിന് വച്ചത്. പത്ത് രൂപ മുതൽ ആരംഭിച്ച ലേലം വളരെ വേഗമാണ് വാശിയേറിയ ലേലമായി മാറിയത്. ലേലത്തുക നൂറ് കടന്ന്, ആയിരം കടന്ന് ഒടുവിൽ പതിനായിരം വരെ കടന്നു. ഏറ്റവുമവസാനം 13,300 രൂപയ്ക്ക് നെടുങ്കണ്ടം പഞ്ചായത്ത് വൈസ് പ്രസിഡന്റ് അജീഷ് മുതുകുന്നേൽ പൂവനെ ലേലത്തിൽ വാങ്ങുകയായിരുന്നു.