എന്ത് കേസ് വന്നാലും അര്ജുൻ്റെ കുടുംബത്തോടൊപ്പം…മനാഫ്..
ഷിരൂര് മണ്ണിടിച്ചിലില് മരണപ്പെട്ട അര്ജുന്റെ കുടുംബത്തിന് നേരെയുണ്ടായ സൈബര് ആക്രമണത്തില് പൊലീസ് കേസെടുത്തതില് പ്രതികരിച്ച് ലോറി ഉടമ മനാഫ്. മതങ്ങളെ തമ്മില്ത്തല്ലിക്കാറില്ല. അര്ജുന്റെ കുടുംബത്തിനെതിരെ അറിഞ്ഞുകൊണ്ടൊന്നും ചെയ്തിട്ടില്ല. കുടുംബത്തിനെതിരെ സൈബര് ആക്രമണം നടത്തരുതെന്ന് അഭ്യര്ത്ഥിക്കുന്നു. തനിക്കെതിരെ എന്ത് കേസ് വന്നാലും അര്ജുന്റെ കുടുംബത്തിനൊപ്പം തന്നെയാണ്. അനാവശ്യമായി തന്റെ ഫോണിലേക്ക് ആരും വിളിക്കരുതെന്ന് അഭ്യര്ത്ഥിക്കുന്നുവെന്നും മനാഫ് പറഞ്ഞു.
