ഇത്തവണ ജന്മദിനം ആഘോഷിക്കാൻ ഫാസിലില്ല..ബൈക്ക് അപകടത്തില്‍ കമ്പി തുളച്ചു കയറി യുവാക്കൾക്ക് ദാരുണാന്ത്യം…
മലപ്പുറം വെളിയംകോട് ബൈക്ക് അപകടത്തില്‍പെട്ട് യുവാക്കൾക്ക് ദാരുണാന്ത്യം. പാലത്തില്‍ കൈവരി നിര്‍മ്മിക്കുന്നതിനായി കെട്ടിയ കമ്പിയിലേക്ക് ബുള്ളറ്റ് ഇടിച്ചുകയറുകയായിരുന്നു.യുവാക്കളുടെ ശരീരത്തിൽ കമ്പി തുളച്ചു കയറിയാണ് മരണം സംഭവിച്ചത്.വെളിയംകോട് സ്വദേശി ആഷിഖ് (22), കരിങ്കല്ലത്താണി സ്വദേശി ഫാസില്‍ (19) എന്നിവരാണ് മരിച്ചത്.
ചാവക്കാട്-പൊന്നാനി ദേശീയ പാതയില്‍ വെളിയംകോടാണ് രാത്രി അപകടം ഉണ്ടായത്. രാത്രിയായതിനാല്‍ കമ്പികള്‍ കണ്ടിരുന്നില്ല. ഇരുവരെയും ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഫാസിലിന്റെ ജന്മദിനമാണ് ഇന്ന്.
