ആർസി, ഡ്രൈവിംഗ് ലൈസൻസ്… വിതരണം ഇന്ന് മുതൽ….

ആർസി, ഡ്രൈവിംഗ് ലൈസൻസ് എന്നിവയുടെ വിതരണം ഉടൻ പുനരാരംഭിക്കും. ഐ ടി ഐ ബെംഗളൂരുവിന് നൽകാനുള്ള തുക അനുവദിച്ച് സർക്കാർ ഉത്തരവിറക്കി. അച്ചടി കുടിശിക തുക ബെംഗളൂരു ഐഐടിക്കും കൊറിയർ കുടിശിക തപാൽ വകുപ്പിനും നൽകി. ഗതാഗത മന്ത്രി ഗണേഷ്‌കുമാറിന്റെ ഇടപെടലിനെ തുടർന്നാണ് സർക്കാർ തീരുമാനം. 24000 ബുക്കും ലൈസൻസും ഇന്ന് ആർടി ഓഫീസുകളിൽ എത്തിക്കും. വിതരണത്തിന് പ്രത്യേക കൗണ്ടറുകൾ ഏർപ്പെടുത്തും. തപാൽ വകുപ്പ് വിസമ്മതിച്ചാൽ കെ എസ് ആർ ടി സിയിൽ കൊറിയർ എത്തിക്കാൻ നീക്കം.

അച്ചടി മുടങ്ങിയതിനെ തുടർന്നു ഡ്രൈവിങ് ലൈസൻസ്, വാഹന റജിസ്‌ട്രേഷൻ സർട്ടിഫിക്കറ്റുകളുടെ വിതരണം 3 മാസത്തിലേറെ തടസ്സപ്പെട്ട സാഹചര്യത്തിലാണ് തീരുമാനം.