ആശുപത്രിയിൽ നിന്നും വേദനസംഹാരി മരുന്നുകൾ മോഷ്ടിച്ചു.. പ്രതിയെ….

അമ്പലപ്പുഴ: ആലപ്പുഴ മെഡിക്കൽ കോളേജ് ആശുപത്രിയിൽ നിന്ന് വേദന സംഹാരി മരുന്നുകൾ മോഷ്ടിച്ച പ്രതിയെ പിടികൂടി. പുന്നപ്ര അറവുകാട് നൂറ്റമ്പതിൽ ചിറയിൽ കുഞ്ഞുമോൻ്റെ മകൻ അഖിൽ (23)നെയാണ് ആശുപത്രി എയ്ഡ് പോസ്റ്റ് പൊലീസ് പിടികൂടിയത്. ഇന്ന് രാത്രി 7:30ഓടെ ആയിരുന്നു സംഭവം.സെക്യുരിറ്റി ജീവനക്കാരി ലേഖ, ലിഫ്റ്റ് ഓപ്പറേറ്റർ ആൻ്റണി എന്നിവർ സെക്യൂരിറ്റി ഓഫീസിലും, എയ് ഡ് പോസ്റ്റിലും വിവരം അറിയിച്ചതിനെ തുടർന്ന് എ.എസ്.ഐ ജയിംസ്, സീനിയർ സിവിൽ പൊലീസ് ഓഫീസർമാരായ അനസ്, വിജയൻ എന്നിവർ ചേർന്നാണ് പതിനഞ്ചാം വാർഡിൽ എത്തി യുവാവിനെ പിടികൂടിയത്. ഇയാളെ അമ്പലപ്പുഴ പൊലീസിന് കൈമാറി.