ആലുവയിൽ ഗുണ്ടാ ആക്രമണം..മാധ്യമപ്രവർത്തകയുടെ വീട് അടിച്ചു തകർത്തു..4 പേർ അറസ്റ്റിൽ…
ആലുവ: മാധവപുരം കോളനിയിൽ ഗുണ്ടാ ആക്രമണം.ഗുണ്ടാസംഘം മാധ്യമപ്രവർത്തകയുടെ വീട് അടിച്ചു തകർത്തു. കലാകൗമുദി ആലുവ ലേഖിക ജിഷയുടെ വീടാണ് തകർത്തത് .സംഭവത്തിൽ 4 പേർ പോലീസ് പിടിയിലായി .ജ്യോതിഷ്, രഞ്ജിത്ത്, രാജേഷ്, മെൽവിൻ എന്നിവരാണ് ആലുവ പൊലീസിന്റെ പിടിയിലായത്. സംഘത്തിലെ പ്രധാനിയും അയൽവാസിയുമായ രാഹുലിനെ പിടികൂടാനായിട്ടില്ല.
മുൻവൈരാഗ്യമാണ് ഗുണ്ടാ ആക്രമണത്തിന് കാരണം.ജിഷയുടെ ബന്ധുക്കളും രാഹുലുമായി കഴിഞ്ഞ ദിവസം വാക്ക് തർക്കം ഉണ്ടായിരുന്നു. ഇതിൻ്റെ തുടർച്ചയായാണ് രാഹുൽ സുഹൃത്തുക്കൾക്കൊപ്പം എത്തി ഇന്ന് വൈകിട്ട് നാലുമണിയോടെ വീടിൻ്റെ ജനൽ ചില്ലുകൾ മുഴുവൻ അടിച്ചുതകർത്തത്. വീട്ടുമുറ്റത്ത് നിര്‍ത്തിയിട്ടിരുന്ന വാഹനങ്ങളും ഗുണ്ടാസംഘം തകര്‍ത്തു. സംഭവസമയത്ത് വീട്ടിൽ ആരും ഉണ്ടായിരുന്നില്ല .
