ആലപ്പുഴയിൽ സിറ്റി ഗ്യാസ് പദ്ധതിക്കായി എടുത്ത കുഴിയില്‍ സ്‌കൂട്ടര്‍ യാത്രികന്‍ വീണു….
ആലപ്പുഴ: ആറാട്ടുപുഴ ദേശീയപാതയുടെ അരികില്‍ സിറ്റി ഗ്യാസ് പദ്ധതിക്കായി എടുത്ത കുഴിയില്‍ സ്‌കൂട്ടര്‍ യാത്രികന്‍ വീണു. യുവാവ് അത്ഭുതരമായി രക്ഷപ്പെട്ടു. ഇന്ന് രാത്രി എട്ടരയോടെയാണ് സംഭവം.രാത്രി ആലപ്പുഴ ടൗണിലേക്ക് സ്‌കൂട്ടറില്‍ പോകുന്നതിനിടെയാണ് അപകടം സംഭവിച്ചത്.പദ്ധതിയ്ക്കായി റോഡരികിലെ വിവിധ ഭാഗങ്ങളില്‍ കുഴിയെടുത്തിട്ടുണ്ട്.എന്നാൽ അവിടങ്ങളിലൊന്നും മുന്നറിയിപ്പ് ബോര്‍ഡുകളോ, ലൈറ്റുകളോ സ്ഥാപിക്കാന്‍ അധികൃതര്‍ തയ്യാറായിട്ടില്ലന്നാണ് നാട്ടുകാർ പറയുന്നത്. ബസ്സിന് സൈഡ് കൊടുക്കുന്നതിനിടെയാണ് സ്‌കൂട്ടര്‍ യാത്രികന്‍ തെന്നി കുഴിയിലേക്ക് വീണത്.വിവരം അറിഞ്ഞ് സ്ഥലത്തെത്തിയ അഗ്നിശമനസേനയും നാട്ടുകാരും ചേര്‍ന്ന് ഉടൻതന്നെ ഇയാളെ രക്ഷപ്പെടുത്തുകയായിരുന്നു.
