ആലപ്പുഴയിൽ ഉണ്ടായ വാഹനാപകടത്തിൽ 8 പേർക്ക് പരിക്ക്….

ആലപ്പുഴ : ദേശീയപാതയിൽ പുലർച്ചെ ഉണ്ടായ വാഹനാപകടത്തിൽ 8 പേർക്ക് പരിക്ക്. ഇവരെ ആശുപത്രിയിൽ പ്രവേശിപ്പിച്ചു.ബുധനാഴ്ച രാവിലെ 6-40 ഓടെ പുറക്കാട് പെട്രോൾ പമ്പിന് സമീപമായിരുന്നു അപകടം. തമിഴ്നാട്ടിൽ നിന്നും മീൻ കയറ്റിവന്ന പിക്ക് അപ്പ് വാനും,കൊട്ടാരക്കര നിന്നും എറണാകുളം അമൃതയിലേക്കു പോയ ശരണ്യ ബസ്സും കൂട്ടി ഇടിച്ചായിരുന്നു അപകടം. അപകടത്തിൽ പിക്ക് അപ്പ് വാൻ ഡ്രൈവർ തൃക്കുന്നപ്പുഴ മാനത്തേരിൽ വീട്ടിൽ സജീർ (27) ന് ഗുരുതര പരിക്കേറ്റു.ബസ്സ് യാത്രക്കാരായ 7 പേർക്ക് നിസാര പരിക്കേറ്റു.ഇവരെ ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പിക്കപ്പ് വാൻ ഡ്രൈവർ ഉറങ്ങി പോയതാകാം അപകടത്തിന് കാരണമെന്നാണ് പൊലീസിൻ്റെ പ്രാഥമിക നിഗമനം. അപകടത്തെ തുടർന്ന് ദേശീയ പാതയിൽ ഒരു മണിക്കൂറോളം ഗതാഗതം തടസപ്പെട്ടു.ഹൈവേ റിക്കവറി വാൻ എത്തി വാഹനങ്ങൾ മാറ്റിയ ശേഷമാണ് ഗതാഗതം പുനസ്ഥാപിച്ചത്.അമ്പലപ്പുഴ പൊലീസ് സ്ഥലത്തെത്തി വാഹനങ്ങൾ ഇടറോഡുകളിലൂടെ തിരിച്ചുവിട്ടു. തകഴി യിൽ നിന്ന് അഗ്നി രക്ഷാ സേന എത്തി റോഡിൽ വീണു കിടന്ന മത്സ്യസ്യവും, പിക്കപ്പ് വാനിൽ നിന്ന് ചോർന്ന ഓയിലും നീക്കം ചെയ്തു.