ആലപ്പുഴയിലെ ചിൽഡ്രൻസ് ഹോമിൽ നിന്നും മൂന്ന് കുട്ടികളെ കാണാതായി..അന്വേഷണം…

ആലപ്പുഴ കഞ്ഞിക്കുഴിയിലുള്ള ചിൽഡ്രൻസ് ഹോമിൽ നിന്നും മൂന്ന് കുട്ടികളെ കാണാതായതായി പരാതി.ഹോപ്പ് എന്ന ചിൽഡ്രൻസ് ഹോമിൽ നിന്നുമാണ് കുട്ടികളെ കാണാതായത്.14,15 വയസുള്ള മൂന്ന് ആൺകുട്ടികളെയാണ് കാണാതായത്.ഇന്ന് വൈകുന്നേരം മുതലാണ് കുട്ടികളെ കാണാതായത്.

ഇന്ന് അവധി ദിവസമായതിനാൽ കുട്ടികൾ പുറത്തുപോയതായിരുന്നു. എന്നാൽ വൈകുന്നേരം കുട്ടികൾ തിരിച്ചുവന്നില്ല. ഈ സാഹചര്യത്തിലാണ് കുട്ടികളെ കാണാനില്ലെന്ന് അധിക‍ൃതർ പരാതി നൽകിയത്.കുട്ടികളെ കണ്ടെത്താനായി അന്വേഷണം ആരംഭിച്ചിട്ടുണ്ട്.സിസിടിവി ദൃശ്യങ്ങൾ അടക്കം പരിശോധിച്ച് വരികയാണ്.