ആരും കാണാത്ത അപൂർവ്വ ചിത്രങ്ങൾ..ചന്ദ്രയാൻ 3 പകർത്തിയ ചിത്രം പുറത്ത് വിട്ട് ഐഎസ്ആർഒ…

ചന്ദ്രയാൻ 3 പകർത്തിയ ചന്ദ്രൻ്റെ ഇതുവരെ ആരും കാണാത്ത ചിത്രങ്ങൾ പുറത്ത് വിട്ട് ഐഎസ്ആർഒ. ദൗത്യത്തിലെ അപൂർവ്വ ചിത്രങ്ങളും വിവരങ്ങളുമാണ് പുറത്തുവിട്ടിരിക്കുന്നത്. റോവറിൽ നിന്നും ലാൻഡറിൽ നിന്നും ഇതുവരെ ലഭിക്കാത്ത ദൃശ്യങ്ങളാണ് ഐഎസ്ആർഒ പുറത്ത് വിട്ടത്.ചിത്രങ്ങൾ പുറത്ത് വിട്ടതിലൂടെ ദൗത്യത്തിൻ്റെ വി‍ജയ​ഗാഥ വിശദമായി അറിയിക്കുകയാണ് ഐഎസ്ആർഒ.

ചന്ദ്രോപരിതലത്തിൽ റോവ‌ർ കടന്നുപോയപ്പോഴുണ്ടായ അടയാളങ്ങൾ വ്യക്തമായി കാണുന്ന ആദ്യ ചിത്രങ്ങൾ ഏറെ ആകാംക്ഷ ജനിപ്പിക്കുന്നതാണ്. ശാസ്ത്രീയ വിവരങ്ങളും ലാൻഡറും റോവറും എടുത്ത മുഴുവൻ ചിത്രങ്ങളും ദേശീയ ബഹിരാകാശ ദിനമായ നാളെ പുറത്തുവിടുമെന്നതാണ് മറ്റൊരു പ്രത്യേകത.