അരൂർ ഉ​യ​ര​പ്പാ​ത നി​ർ​മാ​ണം.. യാ​ത്രി​ക​ർക്കും പ്രദേശവാസികൾക്കും വിനയായി ‘പൊടി’…

അ​രൂ​ര്‍: അ​രൂ​ർ-​തു​റ​വൂ​ർ ഉ​യ​ര​പ്പാ​ത നി​ർ​മാ​ണം ന​ട​ക്കു​ന്ന ദേ​ശീ​യ​പാ​ത​യി​ൽ യാ​ത്രി​ക​ര്‍ക്കും നാ​ട്ടു​കാ​ർ​ക്കും ദു​രി​ത​മാ​യി പൊ​ടി ​ഉ​യ​രു​ന്നു. മ​ഴ​യൊ​ഴി​ഞ്ഞ​തോ​ടെയാണ്​ വാ​ഹ​ന​ങ്ങ​ള്‍ ത​മ്മി​ല്‍ കാ​ണാ​ന്‍ ക​ഴി​യാ​ത്ത രീതിയിൽ പൊ​ടി ഉ​യ​രു​ന്ന​ത്. പൊ​ടി​ശ​ല്യം ഒ​ഴി​വാ​ക്കാ​ന്‍ റോ​ഡ് ന​ന​ക്കു​മെ​ന്ന് നേ​ര​ത്തെ ക​രാ​ര്‍ ക​മ്പ​നി അ​ധി​കൃ​ത​ര്‍ പ​റ​ഞ്ഞി​രു​ന്നു​വെ​ങ്കി​ലും ഇതുവരെ നടന്നിട്ടില്ല.​

പ​ല​യി​ട​ത്തും ക​ട​ക്കാ​രും വീ​ട്ടു​കാ​രു​മൊ​ക്കെ​യാ​ണ് റോ​ഡി​ൽ വെ​ള​ളം ത​ളി​ക്കു​ന്ന​ത്. എ​ന്നാ​ല്‍ നി​ര​ന്ത​രം വാ​ഹ​ന​ങ്ങ​ളോ​ടു​ന്ന​തും വെ​യി​ലും കാ​ര​ണം ന​ന​ക്കു​ന്ന​യി​ടം പെട്ടന്ന് തന്നെ ഉ​ണ​ങ്ങു​ന്ന സ്ഥി​തി​യാ​ണ്. പൊ​ടി ഏ​റെ​യും ഇ​രു​ച​ക്ര​വാ​ഹ​ന​യാ​ത്രി​ക​രേ​യും കാ​ൽ​ന​ട​ക്കാ​രെ​യു​മാ​ണ് ബാധിക്കു​ന്ന​ത്.

സി​മ​ന്റ് പൊ​ടി​യും പൈ​ലി​ങ്ങി​ന് ഉ​പ​യോ​ഗി​ക്കു​ന്ന ദ്രാ​വ​ക​വും അ​ട​ങ്ങി​യ പൊ​ടി​യാ​യ​തി​നാ​ല്‍ പ​ല​ര്‍ക്കും ക​ണ്ണി​ന് ഉൾപ്പെടെ മറ്റ് അ​ല​ര്‍ജി അ​നു​ഭ​വ​പ്പെ​ടു​ന്നു​ണ്ട്. നി​ർ​മാ​ണ പ്ര​വ​ർ​ത്ത​നം തു​ട​ങ്ങി​യ നാ​ൾ മു​ത​ൽ ദേ​ശീ​യ പാ​ത​ക്ക​രി​കി​ലെ വീ​ട്ടു​കാ​ർ അ​ട​ച്ചു​പൂ​ട്ടി​യാ​ണ് അ​ക​ത്തി​രി​ക്കു​ന്ന​ത്. റോഡിനു ഇ​രു​വ​ശ​വു​മു​ള്ള ത​ട്ടു​ക​ട​ക​ളട​ക്കം ഭൂ​രി​ഭാ​ഗം ഭ​ക്ഷ​ണ​ശാ​ല​ക​ളും മറ്റ്​ കടകളും പൊ​ടി കാ​ര​ണം പൂ​ട്ടിയ അവസ്ഥയുമാണ്.