അമ്പലപ്പുഴയിൽ മോഷണ കേസ്സ് പ്രതി പിടിയിൽ…

അമ്പലപ്പുഴ: ബീച്ചിലും പരിസരങ്ങളിലും മോഷണം നടത്തിവന്നിരുന്ന മോഷ്ടാവ് റിമാൻ്റിൽ.  ആലപ്പുഴ പോർട്ട് ഓഫീസിലെ കെട്ടിടത്തിൽ നിന്നും പൈപ്പുകളും, വാഷ്ബേഴ്സിനും മോഷണം നടത്തിയ തിരുവനന്തപുരം കൊച്ചുതോപ്പിൽ വള്ളക്കടവ്  ജോസഫിൻ്റെ മകൻ തദയോസ് ജോസഫ് ( സന്തോഷ് 41 )നെയാണ് പിടികൂടിയത്. ആലപ്പുഴ ജില്ലാ പൊലീസ് മേധാവിക്ക് ലഭിച്ച രഹസ്യ വിവരത്തെത്തുടർന്ന് ചേർത്തല സൗത്ത്  പൊലീസാണ് അറസ്റ്റ് ചെയ്തത്. മോഷണ മുതലുകൾ വലിയ കുളത്തിന് സമീപമുള്ള ആക്രിക്കടയിൽ നിന്നും കണ്ടെടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.