അപ്രതീക്ഷിതം..കോഹ്‌ലിക്കും രോഹിത്തിനും പിന്നാലെ ജഡേജയും വിരമിക്കൽ പ്രഖ്യാപിച്ചു…
രോഹിത് ശര്‍മയ്ക്കും വിരാട് കോഹ്‌ലിക്കും പിന്നാലെ അന്താരാഷ്ട്ര ട്വന്റി ട്വന്റിയില്‍ നിന്നു വിരമിക്കുന്നതായി പ്രഖ്യാപിച്ച് ഇന്ത്യന്‍ ഓള്‍ റൗണ്ടര്‍ രവീന്ദ്ര ജഡേജ. ഇന്ത്യയുടെ ലോകകപ്പ് വിജയത്തിനു പിന്നാലെയാണ് ജഡേജയും വിരമിക്കൽ പ്രഖ്യാപിച്ചത്.ഇന്ത്യയുടെ ഏകദിന, ടെസ്റ്റ് ഫോര്‍മാറ്റുകളില്‍ താരം ഇനിയും കളിക്കും.തന്റെ ഇന്‍സ്റ്റഗ്രാം കുറിപ്പിലൂടെയാണ് ജഡേജ വിരമിക്കല്‍ തീരുമാനം പ്രഖ്യാപിച്ചത്.
ട്വന്റി20യിൽ 74 മത്സരങ്ങളിൽനിന്ന് 515 റൺസ് സ്വന്തമാക്കിയിട്ടുണ്ട് താരം. 54 വിക്കറ്റുകളും താരം ട്വന്റി20യിൽ വീഴ്ത്തി.ആറ് ട്വന്റി20 ലോകകപ്പുകളിൽ ജഡേജ ഇന്ത്യൻ ടീമിന്റെ ഭാഗമായി.ഫീൽഡിങ്ങിലും ഇന്ത്യയുടെ വിശ്വസ്തനായ താരമാണു ജഡേജ.
