യുവ ഡോക്ടറുടെ ആത്മഹത്യ..ഡോ.റുവൈസിന് തുടര് പഠനത്തിന് അനുമതി….
യുവ ഡോക്ടര് ഷഹന ആത്മഹത്യ ചെയ്ത സംഭവത്തില് ഡോ. റുവൈസിന് തുടര് പഠനത്തിന് അനുമതി നല്കി ഹൈക്കോടതി. ക്ലാസില് പങ്കെടുക്കുന്നതുകൊണ്ട് കുഴപ്പമില്ലെന്നും അച്ചടക്ക നടപടി കോടതി ശരിവെച്ചാല് ഹാജര് സാധുവായി നല്കില്ലെന്നും ഹൈക്കോടതി സിംഗിള് ബെഞ്ച് ഉത്തരവിട്ടു. അച്ചടക്ക നടപടി റദ്ദാക്കണം എന്നാവശ്യപ്പെട്ട് നൽകിയ ഹർജിയിലാണ് നടപടി.
റുവൈസിനെതിരായ നടപടി നിയമപരമായി നിലനില്ക്കാത്തതാണെന്നു പിന്നീടു കണ്ടെത്തിയാല്, ഇപ്പോള് ക്ലാസില്നിന്നു വിലക്കുന്നത് പരിഹാരിക്കാനാവാത്ത തെറ്റായി മാറുമെന്നു ചൂണ്ടിക്കാട്ടിയാണ് ജസ്റ്റിസ് സിയാദ് റഹ്മാന്റെ ഇടക്കാല ഉത്തരവ് .ഷഹനയുമായുള്ള വിവാഹത്തില് നിന്ന് അവസാന നിമിഷമാണ് ഡോ. റുവൈസ് പിന്മാറിയത്. ബന്ധത്തിൽ നിന്നും പിന്മാറിയതിനാൽ ആത്മഹത്യ ചെയ്യുകയാണെന്ന് കാണിച്ച് ഡോ. ഷഹന ഡോ. റുവൈസിന് വാട്സ്ആപ്പ് സന്ദേശം അയച്ചിരുന്നു.ആത്മഹത്യാ പ്രേരണ, സ്ത്രീധന നിരോധന നിയമത്തിലെ സെക്ഷന് 4 എന്നിവയുള്പ്പെടെയുള്ള വകുപ്പുകളാണ് റുവൈസിനെതിരെ ചുമത്തിയിരിക്കുന്നത്.
