മദ്യ ഉപഭോഗം വർദ്ധിപ്പിക്കുന്ന നയത്തിൽ നിന്ന് സർക്കാർ പിന്തിരിയണം മെത്രാൻ മാർ തോമസ് തറയിൽ….

ആലപ്പുഴ: സർക്കാരുകളുടെ വികലമായ മദ്യനയം മൂലം മദ്യത്തിൻറെ വ്യാപനവും ഉപഭോഗവും വർദ്ധിച്ചു വരികയാണന്നും ഇത് സമൂഹത്തിന് വരുത്തിവയ്ക്കുന്ന ദുരന്തങ്ങളുടെ വാർത്തകളാണ്
ദിനവും കേൾക്കുന്നതും കാണുന്നതെന്നും ചങ്ങനാശ്ശേരി അതിരൂപതാ സഹായ മെത്രാൻ മാർ തോമസ് തറയിൽ പറഞ്ഞു.സമൂഹത്തെ ഒന്നടങ്കം ദോഷകരമായി ബാധിക്കുന്ന സർക്കാരിൻറ മദ്യ നയത്തിന് മാറ്റം വരുത്തണമെന്നും മാർ തോമസ് തറയിൽ പറഞ്ഞു. പുന്നപ്ര പിതൃവേദി ,മാതൃവേദി ആഭിമുഖ്യത്തിൽ സർക്കാരിൻ്റെ മദ്യ നയത്തിൽ പ്രതിഷേധിച്ചും മദ്യനയം പിൻവലിക്കണമെന്ന് ആവശ്യപ്പെട്ടും മുഖ്യമന്ത്രിക്കു സമർപ്പിക്കുന്ന നിവേദനത്തിൻ്റെ ഒപ്പ് ശേഖരണപരിപാടി ഉദ്ഘാടനം നിർവ്വഹിച്ചു കൊണ്ട് സംസാരിക്കുകയായിരുന്നു അദ്ദേഹം.