മണ്ണിനടിയിൽ നിന്ന് കരച്ചിൽ.. ഓടിയെത്തിയ കർഷകൻ കണ്ടത്…
കൃഷിയിടത്തിൽ മണ്ണിനടിയിൽ നിന്ന് കരച്ചിൽ കേട്ടെത്തിയ കർഷകൻ കണ്ടത് ജീവനോടെ കുഴിച്ചുമൂടിയ പിഞ്ചുകുഞ്ഞിനെ. ആ കുഞ്ഞിന് കർഷകൻ രക്ഷകനായി. കരച്ചിൽ കേട്ടതിനെ തുടർന്ന് നടത്തിയ പരിശോധനയിലാണ് കുഞ്ഞിന്റെ കൈ കുഴിക്ക് പുറത്ത് കണ്ടത്. മണ്ണ് മാറ്റി കുഞ്ഞിനെ പുറത്തെടുത്ത ശേഷം ഇദ്ദേഹം ആംബുലൻസ് വിളിക്കുകയും കുഞ്ഞിനെ സമീപത്തെ ആശുപത്രിയിൽ എത്തിക്കുകയുമായിരുന്നു. കുഴിക്കകത്ത് ശ്വാസ തടസ്സം നേരിട്ട കുഞ്ഞിനെ ഐസിയുവിലേക്ക് മാറ്റി. പൊലീസ് കേസെടുത്ത് അന്വേഷണം തുടങ്ങി. കുഞ്ഞിന്റെ രക്ഷിതാക്കൾക്കായി അന്വേഷണം ആരംഭിച്ചിട്ടുണ്ട്. ഗുജറാത്തിലെ സബർകന്തയിൽ ഗ്രാമത്തിലായിരുന്നു സംഭവം.