ബാബാ രാംദേവിന് തിരിച്ചടി, മാപ്പപേക്ഷ തള്ളി സുപ്രീം കോടതി….
യോഗാ ഗുരു ബാബാ രാംദേവും പതഞ്ജലി ആയുർവേദ് മാനേജിംഗ് ഡയറക്ടർ ആചാര്യ ബാലകൃഷ്ണയും നൽകിയ മാപ്പപേക്ഷ അംഗീകരിക്കുന്നില്ലെന്ന് സുപ്രീം കോടതി. പതഞജലി മനപൂര്വം കോടതിയലക്ഷ്യം നടത്തിയെന്ന് വ്യക്തമാക്കിയ സുപ്രീംകോടതി ഒരു കാരുണ്യവും പ്രതീക്ഷിക്കേണ്ടെന്ന് മുന്നറിയിപ്പും നല്കി. ഒരേ പോലെ പല മാപ്പേക്ഷ നല്കിയാല് കോടതിയെ ബോധ്യപ്പെടുത്താമെന്ന് കരുതുന്നുണ്ടോ എന്നും കോടതി ചോദിച്ചു.പതഞ്ജലി ആയുർവേദ ലിമിറ്റഡിനെതിരെ ഇന്ത്യൻ മെഡിക്കൽ അസോസിയേഷൻ സമർപ്പിച്ച ഹർജിയിലാണ് ജസ്റ്റിസുമാരായ ഹിമ കോലിയും അഹ്സനുദ്ദീൻ അമാനുല്ലയും പതഞ്ജലിക്കെതിരായ നിലപാടെടുത്തത്.
ഇതേസമയം പത്ഞ്ജലിയുടെ കാര്യത്തില് ഉത്തരാഖണ്ഡ് സര്ക്കാര് മനപൂര്വമായ വീഴ്ച വരുത്തിയെന്ന് സുപ്രീംകോടതി വ്യക്തമാക്കി. കടുത്ത നടപടികളിലേക്ക് പോകരുതെന്ന് അഭ്യര്ഥിച്ച ഉത്തരാഖണ്ഡ് സര്ക്കാര് പതഞ്ജലിക്കെതിരെ നടപടിയെടുക്കാമെന്ന് സുപ്രീംകോടതിയില് ഉറപ്പ് നല്കി. കേസ് വീണ്ടും 16ന് പരിഗണിക്കും. അന്ന് രാംദേവ് ഉൾപ്പെടെയുള്ളവർ വീണ്ടും നേരിട്ട് ഹാജരാകണം.
