പ്രായപൂർത്തിയാവാത്ത പെൺകുട്ടിയെ പീഡിപ്പിക്കാൻ ശ്രമം 62 കാരൻ റിമാൻഡിൽ…….
കണ്ണപുരം പൊലീസ് സ്റ്റേഷൻ പരിധിയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ച കേസിൽ പൊലീസ് അറസ്റ്റു ചെയ്ത മധ്യവയസ്‌കൻ റിമാൻഡിൽ. എട്ടാംക്ലാസ്‌കാരിയായ പെൺകുട്ടിയെ പീഡിപ്പിക്കാൻ ശ്രമിച്ച സംഭവത്തിലാണ് പൊതു പ്രവർത്തകനായ പ്രതി അറസ്റ്റിലായത്.കണ്ണപുരം ഇടക്കേപുറം അമ്പല റോഡിലെ സി.ചന്ദ്രൻ (62)നെ യാണ് കണ്ണപുരം സിഐ സുഷിറും സംഘവും അസ്റ്റ് ചെയ്തത്. 2024 ഫെബ്രുവരിയിലാണ് കേസിനാസ്പദമായ സംഭവം നടന്നത്. വീട്ടിൽ ആരുമില്ലാത്ത സമയത്ത് വീട്ടിൽ എത്തി സാഹചര്യം മനസിലാക്കി കുട്ടിയെ കയറി പിടിക്കാൻ ശ്രമിക്കുകകയായിരുന്നു.കുതറി മാറിയോടിയ പെൺകുട്ടി വിവരം മാതാപിതാക്കളോട് പറഞ്ഞു. പിന്നീട് കണ്ണപുരം പൊലീസിൽ പരാതി നൽകിയതിന്റെ അടിസ്ഥാനത്തിലാണ് പ്രതിയെ അറസ്റ്റു ചെയ്തത്. ഒരു ഭരണകക്ഷി പാർട്ടിയുടെ പ്രവർത്തകനായ ഇയാളെ കേസിൽ നിന്നും ഒഴിവാക്കാനായി പ്രാദേശിക നേതൃത്വത്തിലെ ചിലർ രഹസ്യ ഒത്തുതീർപ്പു ചർച്ച നടത്തിയതായും ആരോപണമുണ്ട്. പ്രതിയെ കണ്ണൂർ പോക്‌സോ കോടതിയിൽ ഹാജരാക്കി റിമാന്റ് ചെയ്തു.
