നടത്തത്തിൽ സംശയം… പരിശോധിച്ചപ്പോൾ….

കൊച്ചി: യുവാവിന്‍റെ നടത്തത്തിൽ സംശയം തോന്നി. തുടർന്ന് നടത്തിയ പരിശോധനയിൽ രണ്ട് കാലിലും.പേസ്റ്റ് രൂപത്തിലാക്കിയ സ്വർണ്ണം. സ്വർണം കടത്താൻ ശ്രമിച്ച യുവാവ് നെടുമ്പാശ്ശേരി വിമാനത്താവളത്തിൽ കസ്റ്റംസ് പിടിയിൽ. കുവൈറ്റിൽ നിന്ന് ഇൻഡിഗോ വിമാനത്തിൽ എത്തിയ മലപ്പുറം സ്വദേശി അബ്ദുൾ ആണ് പിടിയിലായത്. 85 ലക്ഷം രൂപ വരുന്ന 1978 ഗ്രാം സ്വർണ്ണമാണ് അതിവിദഗ്ധമായി ഒളിപ്പിച്ച് കടത്താൻ ഇയാള്‍ ശ്രമിച്ചത്. രണ്ട് കാലിലും ഒട്ടിച്ച നിലയിലായിരുന്നു സ്വർണ്ണം. പേസ്റ്റ് രൂപത്തിലുള്ള സ്വർണ്ണം പ്ലാസ്റ്റിക് കവറിലാക്കി കാലിൽ ടേപ്പ് വെച്ച് ഒട്ടിക്കുകയായിരുന്നു.