ഗ്രീഷ്മ ഒരേ സമയം ഷാരോണിനൊപ്പവും വിവാഹ നിശ്ചയം നടത്തിയ യുവാവുമായും കറങ്ങി
തിരുവനന്തപുരം: ഗ്രീഷ്മ അതിവിദഗ്ധ കുറ്റവാളി. ഷാരോണിനെ കഷായത്തില് വിഷം കൊടുത്തുകൊന്ന ഗ്രീഷ്മ ഒരേ സമയം കാമുകനൊപ്പവും വിവാഹ നിശ്ചയം നടത്തിയ സൈനികനുമായും കറങ്ങി. അതീവ രഹസ്യമായിട്ടായിരുന്നു വിവാഹ നിശ്ചയം. അയല്ക്കാരെ പോലും അറിയിച്ചില്ല. ഈ സൈനികനുമായി കന്യാകുമാരിയിലേക്ക് ഗ്രീഷ്മ യാത്ര പോയിരുന്നു. ഇതേ സമയം കാമുകനായ ഷാരോരോണുമായി വേളി പാര്ക്കിലും വെട്ടുക്കാട്ടെ ബീച്ചിലുമെല്ലാം അടിച്ചു പൊളിച്ചു. ഇതിനൊപ്പം ആരുമില്ലാത്ത സമയത്ത് സൈനികനെ വീട്ടിലേക്കും ഗ്രീഷ്മ വിളിച്ചു വരുത്തിയിരുന്നു.
സാമ്പത്തിക ഭദ്രതയുള്ള നായര് കുടുംബാംഗമായിരുന്നു സൈനികന്. ഈ സൈനികനെ സ്വന്തമാക്കി ബാക്കിയുള്ള കാല സുഖ ജീവിതത്തിന് ഷാരോണ് തടസ്സം നില്ക്കുമെന്ന് ഗ്രീഷ്മ ഭയപ്പെട്ടിരുന്നു. ഷാരോണുമായി ഗ്രീഷ്മയ്ക്കുണ്ടായിരുന്നത് വെറും നേരമ്പോക്കായിരുന്നു. ഉറപ്പിച്ച തീയതിയില് നിന്നും വിവാഹം മാറ്റിയതും ഷാരോണിനെ വകവരുത്തിയ ശേഷം പുതിയ ജീവിതം നയിക്കാനുള്ള ഗ്രീഷ്മയുടെ ബുദ്ധിയായിരുന്നുവെന്നാണ് സംശയം.
