കാമുകിയെ കാണാനെത്തി… അമ്മ വന്നു…. പിന്നീട്….
രാത്രിയിൽ കാമുകിയെ കാണാൻ അപ്പാര്ട്ട്മെന്റിൽ എത്തി. ഇരുവരും സംസാരിക്കുന്നതിനിടെ പെണ്കുട്ടിയുടെ അമ്മ ടെറസിലേക്ക് വന്നു. പിന്നീട് ടെറസില്നിന്ന് താഴേക്ക് ചാടി. വീഴ്ചയില് തലയ്ക്ക് ഗുരുതരമായി പരുക്കേറ്റ യുവാവ് മരിച്ചു. തമിഴ്നാട് ധര്മപുരി കാമരാജ് നഗര് സ്വദേശിയും ഒന്നാംവര്ഷ എല്.എല്.ബി. വിദ്യാര്ഥിയുമായ എസ്. സഞ്ജയ്(18) ആണ് മരിച്ചത്. വെള്ളിയാഴ്ച അര്ധരാത്രി ഒരുമണിയോടെയായിരുന്നു സംഭവമുണ്ടായത്. കാമുകിയുമായി സംസാരിക്കുന്നതിനിടെ പെണ്കുട്ടിയുടെ അമ്മയെ കണ്ടതോടെ പരിഭ്രാന്തനായ വിദ്യാർത്ഥി ടെറസില്നിന്ന് താഴേക്ക് ചാടുകയായിരുന്നുവെന്നാണ് വിവരം . വിവരമറിഞ്ഞ് കണ്ണംകുറിച്ചി പൊലീസ് സ്ഥലത്തെത്തി. തുടര്നടപടികള്ക്ക് ശേഷം മൃതദേഹം പോസ്റ്റ്മോര്ട്ടത്തിനായി ആശുപത്രിയിലേക്ക് മാറ്റി. സംഭവത്തില് കേസെടുത്ത് അന്വേഷണം ആരംഭിച്ചതായി പൊലീസ് അറിയിച്ചു.
ധര്മപുരി സ്വദേശിയായ സഞ്ജയും കാമുകിയും സേലത്തെ ലോ കോളേജില് ഒരേ ക്ലാസിലാണ് പഠിക്കുന്നത്. നേരത്തെ സ്കൂളിലും ഇരുവരും ഒരുമിച്ചായിരുന്നു പഠനം. സ്കൂള് കാലത്ത് പ്രണയത്തിലായ രണ്ടുപേരും സേലത്തെ ലോ കോളജില് പ്രവേശനം നേടി.
പ്രദേശത്തെ ഒരു അപ്പാര്ട്ട്മെന്റില് സുഹൃത്തുക്കള്ക്കൊപ്പമായിരുന്നു സഞ്ജയുടെ താമസം. ഇതിന് സമീപത്തായി മറ്റൊരു അപ്പാര്ട്ട്മെന്റിലാണ് കാമുകിയും അമ്മയും സഹോദരിയും താമസിച്ചിരുന്നത്. വെള്ളിയാഴ്ച അര്ധരാത്രിയോടെ സഞ്ജയ് കാമുകിയെ കാണാനായി പെണ്കുട്ടിയുടെ അപ്പാര്ട്ട്മെന്റിലെത്തി. തുടര്ന്ന് അപ്പാര്ട്ട്മെന്റിന്റെ ടെറസിലിരുന്ന് ഇരുവരും സംസാരിക്കുന്നതിനിടെയാണ് പെണ്കുട്ടിയുടെ അമ്മ ടെറസിലേക്ക് വന്നത്. ഇതോടെ സഞ്ജയ് ടെറസില്നിന്ന് താഴേക്ക് ചാടുകയായിരുന്നു. വീഴ്ചയില് തലയ്ക്ക് ഗുരുതരമായി പരുക്കേറ്റ യുവാവ് സംഭവസ്ഥലത്തുവെച്ച് തന്നെ മരിച്ചു.
