അംഗനവാടിയിൽ തിളച്ച പാൽ വായിലേക്ക് ഒഴിച്ച് നൽകി..അഞ്ചു വയസുകാരന് ഗുരുതര പൊള്ളല്‍….
ഭിന്നശേഷിക്കാരനായ അഞ്ചുവയസ്സുകാരന് അങ്കണവാടിയില്‍ നിന്ന് തിളച്ച പാല്‍ നല്‍കിയതായി പരാതി .തിളച്ച പാല്‍ കുടിച്ച കുട്ടിക്ക് ഗുരുതര പൊള്ളലേറ്റിട്ടുണ്ട്. മാനസിക വെല്ലുവിളി നേരിടുന്ന ജന്മനാ സംസാരശേഷിയില്ലാത്ത കുഞ്ഞിനാണ് പാൽ നൽകിയത് .കുട്ടി കോഴിക്കോട് ഗവണ്‍മെന്റ് മെഡിക്കല്‍ കോളേജ് ആശുപത്രിയില്‍ 4 ദിവസമായി ചികിത്സയിലാണ്.
ഭക്ഷണമോ വെള്ളമോ കഴിക്കാന്‍ പറ്റാത്ത അവസ്ഥയാണ് കുട്ടിക്ക് ഇപ്പോള്‍. തിളച്ച പാല്‍ ചൂടോടെ വായില്‍ ഒഴിച്ചുനല്‍കിയെന്നാണ് കുട്ടിയുടെ ബന്ധുക്കള്‍ പറയുന്നത്. സംഭവത്തില്‍ അന്വേഷണം ആരംഭിച്ചിട്ടുണ്ട്.
