ബോക്സ് ഓഫീസ് റെക്കോർഡുകൾ തകർത്ത് പുഷ്പ 2 ദ റൂൾ…4 ദിവസം കൊണ്ട് നേടിയത്…
തെന്നിന്ത്യൻ സൂപ്പർ താരം അല്ലു അർജുൻ നായകനായെത്തിയ ‘പുഷ്പ 2 ദ റൂൾ’ ബോക്സ് ഓഫീസിൽ വമ്പൻ റെക്കോർഡുകൾ സൃഷ്ടിക്കുകയാണ്. റിലീസ് ചെയ്‌ത്‌ നാല് ദിവസം കൊണ്ട് ചിത്രം ആഗോള തലത്തിൽ 1000 കോടി രൂപയുടെ കളക്ഷൻ നേടിയതായി റിപ്പോർട്ടുകൾ പുറത്തുവന്നിട്ടുണ്ട്. ഇതോടെ ഇന്ത്യൻ സിനിമയിലെ ബോക്സ് ഓഫീസ് റെക്കോർഡുകൾ പുതുക്കി എഴുതപ്പെടുകയാണ്.
രണ്ട് ദിവസം കൊണ്ട് തന്നെ 400 കോടി കടന്ന ‘പുഷ്പ 2’, തുടർന്നുള്ള ദിവസങ്ങളിലും അതിവേഗം കളക്ഷൻ നേടിക്കൊണ്ടിരുന്നു. പുഷ്പയുടെ തെലുങ്ക് പതിപ്പിനേക്കാൾ ഹിന്ദി പതിപ്പാണ് കൂടുതൽ കളക്ഷൻ നേടിയിരിക്കുന്നത്. രണ്ടാം ദിനത്തിൽ തെലുങ്ക് പതിപ്പ് 27.1 കോടി നേടിയപ്പോൾ ഹിന്ദി പതിപ്പ് 55 കോടി നേടി. ഇതോടെ ഹിന്ദി പതിപ്പ് മാത്രം നാല് ദിവസങ്ങളിലായി നേടിയത് 125.3 കോടിയാണ്. തെലുങ്ക് പതിപ്പാകട്ടെ 118.05 കോടിയും കളക്ട് ചെയ്തിട്ടുണ്ട്. ഇവയ്ക്ക് പുറമെ തമിഴിലും സിനിമയ്ക്ക് നല്ല സ്വീകാര്യത ലഭിക്കുന്നുണ്ട്.
