സ്കൂളിൽ വൈകിയെത്തി..അധ്യാപികക്ക് പ്രധാനാധ്യാപികയിൽ നിന്നും മർദ്ദനം…

സ്കൂളിൽ വൈകി എത്തിയതിന് അധ്യാപികയെ മർദിച്ച് പ്രധാനാധ്യാപിക.അധ്യാപികയെ പ്രധാനാധ്യാപിക അടിക്കുന്നതും അസഭ്യം പറയുന്നതുമായ ദൃശ്യങ്ങളും പുറത്ത് വന്നിട്ടുണ്ട് ..ഇരുവരുടേയും തർക്കത്തിനിടെയിൽ വസ്ത്രം പിടിച്ചു വലിച്ചു കീറുന്നതും കാണാം. ഉത്തർപ്രദേശിലെ ആഗ്രയിലാണ് സംഭവം. സീഗന ഗ്രാമത്തിലെ പ്രീ സെക്കൻഡറി സ്കൂളിലെ പ്രധാനാധ്യാപികയാണ്‌ സ്കൂളിൽ വൈകി എത്തിയ അധ്യാപിക ഗുഞ്ചൻ ചൗധരിയെ കൈയേറ്റം ചെയ്തത്.

സംഭവത്തിന്റെ ദൃശ്യങ്ങൾ സാമൂഹിക മാധ്യമങ്ങളിൽ പ്രചരിക്കുന്നുണ്ട്.പ്രധാനാധ്യാപികയുടെ ഡ്രൈവർ തർക്കം പരിഹരിക്കാൻ ശ്രമിക്കുന്നതും ദൃശ്യങ്ങളിൽ കാണാം. എന്നാൽ ഇരുവരും പിന്മാറാൻ തയ്യാറാകാതെ നേർക്കുനേർ എത്തി. സഹപ്രവർത്തകരാണ് വീഡിയോ പകർത്തിയത്.