നടുറോഡില്‍ പിഞ്ചുകുഞ്ഞിന്‍റെ മൃതദേഹം… ഫ്ളാറ്റില്‍ നിന്ന് വലിച്ചെറിയുന്ന ദൃശ്യങ്ങൾ ലഭിച്ചു…
കൊച്ചി: എറണാകുളം പനമ്പള്ളി നഗറിൽ നവജാത ശിശുവിനെ മൃതദേഹം നടുറോഡിൽ കണ്ടെത്തിയതിൽ പൊലീസ് പരിശോധന തുടരുന്നു.കടവന്ത്രയില്‍ നടുറോഡില്‍ ഉപേക്ഷിക്കപ്പെട്ട നിലയില്‍ പിഞ്ചുകുഞ്ഞിന്‍റെ മൃതദേഹം കണ്ടെത്തിയത് . ശുചീകരണ തൊഴിലാളികളാണ് രാവിലെ 8 മണിക്ക് ശേഷം മൃതദേഹം കണ്ടത്. ഇതിന് ശേഷം സമീപത്തുള്ളൊരു ഫ്ളാറ്റില്‍ നിന്ന് കുഞ്ഞിനെ എറിയുന്ന വീഡിയോയും സിസിടിവി ക്യാമറയില്‍ പതിഞ്ഞത് കിട്ടിയിട്ടുണ്ട്.ഏറെ ഞെട്ടിക്കുന്ന ദൃശ്യമാണിത്. ഫ്ളാറ്റില്‍ നിന്ന് തുണിയില്‍ പൊതിഞ്ഞ് കുട്ടിയെ എറിയുന്നതാണ്
വീഡിയോയിലുള്ളത്. ഏഴുനിലകളിലായി 21 ഫ്‌ളാറ്റുകളാണ് കെട്ടിടത്തിലുള്ളത്. ഇതിൽ ഒന്ന് ഒഴിഞ്ഞുകിടക്കുന്നതായി സമീപവാസികൾ പറയുന്നു. ഗര്‍ഭിണികളാരും ഫ്ളാറ്റില്‍ താമസിക്കുന്നതായി വിവരം ഇല്ലെന്നാണ് അസോസിയേഷന്‍ ഭാരവാഹികള്‍ പറയുന്നു
കുഞ്ഞിനെ കൊലപ്പെടുത്തിയ ശേഷമാണോ അതോ വീഴ്ചയുടെ ആഘാതത്തിലാണോ കുഞ്ഞ് മരിച്ചതെന്നതടക്കമുള്ള കാര്യങ്ങള്‍ പോസ്റ്റ് മോര്‍ട്ടത്തിന് ശേഷം മാത്രമേ വ്യക്തമാകൂ എന്നാണ് പൊലീസ്പറയുന്നത് . ഇന്നലെ ജനിച്ച കുഞ്ഞാണിത് എന്നാണ് സൂചന. കുഞ്ഞിനെ വലിച്ചെറിഞ്ഞ ഫ്ലാറ്റില്‍ താമസക്കാര്‍ ആരുമില്ലെന്നാണ് അറിയുന്നത്. പുറത്തുനിന്ന് ആരെങ്കിലും വന്നാണോ ഇത് ചെയ്തത് എന്നാണിപ്പോള്‍ പൊലീസ് അന്വേഷിക്കുന്നത്. വരും മണിക്കൂറുകളില്‍ കൂടുതല്‍ വിവരങ്ങള്‍ ലഭിക്കുമെന്നാണ് സൂചന.
