സുഹൃത്തുക്കളൊടൊപ്പം വന്ന പെൺകുട്ടിയെ 10 പേർ ചേർന്ന് ബലാൽസംഗം ചെയ്തു, 8 പേർ കൗമാരക്കാർ

വിവാഹവീട്ടിൽ നിന്ന് രണ്ട് സുഹൃത്തുക്കളോടൊപ്പം മടങ്ങി വരുന്നതിനിടെ പെൺകുട്ടിയെ 10 ആൺകുട്ടികൾ അടങ്ങുന്ന സംഘം ക്രൂരമായി പീഡിപ്പിച്ചു. പെൺകുട്ടിയോടൊപ്പം ഉണ്ടായിരുന്ന സുഹൃത്തുക്കളെ മർദ്ദിച്ച ശേഷം പെൺകുട്ടിയെ വലിച്ചിഴച്ച് കൊണ്ടുപോയി പീഡിപ്പിക്കുകയായിരുന്നു. 10 പേരും ഊഴം കാത്ത് നിന്ന് പെൺകുട്ടിയെ ക്രൂരമായി പീഡിപ്പിച്ചു. പീഡനത്തിൽ അവശയായ പെൺകുട്ടിയെ സമീപത്തുള്ള സ്കൂൾ പരിസരത്ത് ഉപേക്ഷിച്ച പ്രതികൾ കടന്നുകളഞ്ഞു. വീട്ടുകാർ നൽകിയ പരാതിയുടെ അടിസ്ഥാനത്തിലാണ് പൊലീസ് കേസെടുത്ത് പ്രതികളെ പിടികൂടിയത്. അറസ്റ്റ് ചെയ്ത 10 പ്രതികളിൽ 8 പേരും കൗമാരക്കാരാണ്. ജാർഖണ്ഡിലെ ഗുംല ജില്ലയിലാണ് നാടിനെ ഞെട്ടിച്ച കൂട്ടബലാൽസംഗം നടന്നത്.