മാമുക്കോയക്കെതിരായ പീഡന പരാതി..ജൂനിയര് ആര്ടിസ്റ്റിനെതിരെ പരാതി നല്കി മകന്…
അന്തരിച്ച നടന് മാമുക്കോയയ്ക്കെതിരായ ജൂനിയര് ആര്ട്ടിസ്റ്റിന്റെ പരാമര്ശത്തില് പരാതി നല്കി മകന് നിസാര് മാമുക്കോയ. കോഴിക്കോട് സിറ്റി പൊലീസ് കമ്മീഷണര്ക്കാണ് പരാതി നല്കിയത്. അപവാദപ്രചാരണം നടത്തിയതിന് നടപടി സ്വീകരിക്കണമെന്നാണ് നിസാറിന്റെ പരാതിയില് പറയുന്നത്.
നടന്മാരായ ഇടവേള ബാബു, സുധീഷ്, മാമുക്കോയ, അന്തരിച്ച സംവിധായകന് ഹരികുമാര് എന്നിവര്ക്കെതിരെയായിരുന്നു ജൂനിയര് ആര്ട്ടിസ്റ്റായ നടി ആരോപണം ഉന്നയിച്ചിരുന്നത്. ഇതുസംബന്ധിച്ച് ഇവര് പരാതി നല്കുകയും ചെയ്തിരുന്നു. ഇവരുടെ മൊഴി പ്രത്യേക അന്വേഷണസംഘം രേഖപ്പെടുത്തുകയും സുധീഷിനും ഇടവേള ബാബുവിനുമെതിരെ നടക്കാവ് പൊലീസ് കേസെടുക്കുകയും ചെയ്തു.ഇതിനെത്തുടര്ന്നാണ് നടിക്കെതിരെ മാമുക്കോയയുടെ മകന് പരാതി നല്കിയത്. മരിച്ചുപോയ പിതാവിന് മോശം പേരുവരുത്തുക എന്ന ലക്ഷ്യത്തോടെയാണ് ജൂനിയര് ആര്ട്ടിസ്റ്റ് ആരോപണമുന്നയിച്ചിരിക്കുന്നത് എന്നാണ് നിസാറിന്റെ പരാതിയില് പറയുന്നത്. അടുത്തഘട്ടമായി കോടതിയെ സമീപിക്കുമെന്നും നിസാര് പറഞ്ഞു.
