മഴ മുന്നറിയിപ്പില് വീണ്ടും മാറ്റം..യെല്ലോ അലേര്ട്ട് കൂടുതൽ ജില്ലകളിലേക്ക്…
മഴ മുന്നറിയിപ്പില് വീണ്ടും മാറ്റം.കൂടുതല് ജില്ലകളില് യെല്ലോ അലര്ട്ട് പ്രഖ്യാപിച്ചു.10 ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുള്ളത്. തിരുവനന്തപുരം, കൊല്ലം, തൃശ്ശൂര്, പാലക്കാട് ഒഴികെയുള്ള ജില്ലകളിലാണ് യെല്ലോ അലര്ട്ടുള്ളത്.വടക്ക് കിഴക്കന് അറബിക്കടലിനും പാകിസ്ഥാന് തീരത്തിനും മുകളിലായി സ്ഥിതിചെയ്യുന്ന അസ്ന ചുഴലിക്കാറ്റ് ഇന്ത്യന് തീരത്തുനിന്ന് അകന്നു പോകുന്നു.തുടര്ന്നു നാളെ രാവിലെയോടെ ചുഴലിക്കാറ്റ് തീവ്ര ന്യുനമര്ദമായി ശക്തി കുറയാനാണ് സാധ്യതയെന്നും കാലാവസ്ഥ വകുപ്പ് അറിയിച്ചു.
തെക്കന് ഒഡിഷക്കും തെക്കന് ഛത്തീസ്ഗഡിനും മുകളില് സ്ഥിതി ചെയ്യുന്ന തീവ്ര ന്യൂനമര്ദ്ദം അടുത്ത 24 മണിക്കൂറിനുള്ളില് തെക്കന് ചത്തീസ്ഗഡ് വിദര്ഭയ്ക്ക് മുകളില് ശക്തി കൂടിയ ന്യൂനമര്ദ്ധമായി മാറാന് സാധ്യതയുണ്ടെന്നും കാലാവസ്ഥാ വകുപ്പിന്റെ പ്രവചനം.ഇതിന്റെ സ്വാധീന ഫലമായി അടുത്ത ഏഴു ദിവസങ്ങളില് സംസ്ഥാനത്ത് വ്യാപകമായ മഴയ്ക്ക് സാധ്യതയുണ്ട്.
