പ്രായപൂർത്തിയാകാത്ത മൂന്ന് ആൺകുട്ടികളെ ലൈംഗിക ബന്ധത്തിന് പ്രേരിപ്പിച്ച അധ്യാപിക.. ദൃശ്യങ്ങൾ പ്രചരിപ്പിച്ച് കാമുകൻ…
പ്രായപൂർത്തിയാകാത്ത മൂന്ന് ആൺകുട്ടികളെ ലൈംഗിക ബന്ധത്തിന് പ്രേരിപ്പിച്ച അധ്യാപികയെയും ഇതിന്റെ ദൃശ്യങ്ങൾ പ്രചരിപ്പിച്ച കാമുകനെയും പോലീസ് അറസ്റ്റുചെയ്തു. വീഡിയോദൃശ്യങ്ങൾ പ്രചരിപ്പിച്ചവർക്കായി സൈബർ പോലീസ് അന്വേഷണം തുടങ്ങി.
സർക്കാർ സ്കൂളിൽ അധ്യാപികയായ 42കാരിയാണ് 16 വയസ്സുള്ള മൂന്ന് ആൺകുട്ടികളെ ലൈംഗിക ചൂഷണത്തിന് വിധേയമാക്കിയത്. ഭർത്താവുമായി പിണങ്ങിക്കഴിയുകയായിരുന്ന യുവതി 39 വയസ്സുള്ള ഒരു വ്യാപാരിയുമായി അടുപ്പത്തിലായിരുന്നു. ലോക്ഡൗൺ കാലത്ത് അധ്യാപിക അയൽവാസികളായ വിദ്യാർഥികൾക്ക് വീട്ടിൽ ട്യൂഷനെടുത്തു. ഇതിനിടയിലാണ് ചില കുട്ടികളുമായി അടുപ്പം സ്ഥാപിച്ചത്. തന്റെ കാമുകിയ്ക്ക് വിദ്യാർഥികളുമായി അടുപ്പമുള്ളത് വ്യാപാരി അറിഞ്ഞു. അധ്യാപികയും വിദ്യാർഥികളുമായുള്ള ചില ദൃശ്യങ്ങൾ ഇയാൾക്കുലഭിച്ചു. ഇതുകാട്ടി ഭീഷണിപ്പെടുത്തി കൂടുതൽ ദൃശ്യങ്ങൾ ചിത്രീകരിച്ചു പുറത്തായ ദൃശ്യങ്ങളെക്കുറിച്ചുള്ള അന്വേഷണമാണ് വ്യാപാരിയിലേക്കും കാമുകിയായ അധ്യാപികയിലേക്കുമെത്തിച്ചത്.
തുടർന്ന് ഇരുവരെയും പോക്സോ ഉൾപ്പെടെയുള്ള വകുപ്പുകൾചേർത്ത് അറസ്റ്റുചെയ്യുകയായിരുന്നു. കുട്ടികളും അധ്യാപികയുമടങ്ങുന്ന അശ്ലീലദൃശ്യങ്ങൾ ചില സുഹൃത്തുക്കൾക്ക് പങ്കുവെച്ചതായി വ്യാപാരി പോലീസിനോട് സമ്മതിച്ചിട്ടുണ്ട്. വീഡിയോ പ്രചരിപ്പിച്ചവരെ അറസ്റ്റുചെയ്യാനുള്ള നീക്കത്തിലാണ് പോലീസ്.
മധുരയിലാണ് സംഭവം.