നാലാം ക്ലാസ് വിദ്യാര്ത്ഥിയുടെ ശരീരത്തില് പാമ്പ് ചുറ്റിപ്പിണഞ്ഞു.. കുട്ടി ആശുപത്രിയില്…
പാലക്കാട്: മങ്കര ഗവണ്മെന്റ് ഹയര് സെക്കന്ററി സ്കൂളില് നാലാം ക്ലാസ് വിദ്യാര്ത്ഥിയുടെ ശരീരത്തില് പാമ്പ് ചുറ്റിപ്പിണഞ്ഞു. പാമ്പ് കടിച്ചതായുള്ള സംശയത്തില് കുട്ടിയെ ആശുപത്രിയില് പ്രവേശിപ്പിച്ചു. എന്നാല് കുട്ടിക്ക് പാമ്പു കടിയേറ്റിട്ടില്ലെന്ന് പരിശോധനയില് മനസിലായി.പാലക്കാട് ജില്ലാ ആശുപത്രിയിലാണ് കുട്ടിയെ പ്രവേശിപ്പിച്ചത്.
ഇന്ന് രാവിലെ 9.30നാണ് കുട്ടി സ്കൂളിലെത്തുന്നത്. അതുകഴിഞ്ഞ് കുട്ടി അറിയാതെ പാമ്പിനെ ചവിട്ടുകയായിരുന്നു. പാമ്പ് കുട്ടിയുടെ ശരീരത്തില് ചുറ്റിപ്പിണഞ്ഞു. ഇതോടെ കുട്ടി ഉറക്കെ കരഞ്ഞ് കുതറി തെറിച്ചതോടെ പാമ്പ് ശരീരത്തില് നിന്ന് തെറിച്ച് പോകുകയായിരുന്നു. കരച്ചില് കേട്ടെത്തിയ അധ്യാപകര് കുട്ടിയെ ആശുപത്രിയിലേക്ക് മാറ്റി.
സ്കൂള് അലമാരയില് കയറിയ പാമ്പിനെ പിടികൂടുകയും ചെയ്തു. ആശുപത്രിയിലെത്തിച്ച് നടത്തിയ പ്രാഥമിക പരിശോധനയില് പാമ്പ് കടിയേറ്റിട്ടില്ലെന്ന് മനസിലായി. എന്നാലും കുട്ടി നിരീക്ഷണത്തില് കഴിയുകയാണ്. സ്കൂള് പരിസരം കാടുപിടിച്ച് കിടക്കുന്നതാണ് പാമ്പ് ക്ലാസ് മുറി വരെ എത്താന് കാരണമെന്ന് നാട്ടുകാര് ആരോപിച്ചു. ഇതേതുടര്ന്ന് നാട്ടുകാര് പ്രതിഷേധവുമായി സ്കൂളിലേക്കെത്തി.
