തനിക്ക് ദുരനുഭവമുണ്ടായിട്ടില്ല… നേരിട്ട അനുഭവങ്ങള് നടിമാര് ധൈര്യത്തോടെ തുറന്നുപറയണമെന്ന് ഷീല…
തിരുവനന്തപുരം: ഹേമ കമ്മിറ്റി റിപ്പോര്ട്ടിനെ തുടര്ന്നുള്ള നടിമാരുടെ വെളിപ്പെടുത്തലുകള് ഷോ എന്ന് കമ്മിറ്റി അംഗമായ ശാരദ വിമര്ശിക്കുമ്പോള്, വ്യത്യസ്ത അഭിപ്രായവുമായി നടി ഷീല. നേരിട്ട അനുഭവങ്ങള് നടിമാര് ധൈര്യത്തോടെ തുറന്നുപറയണമെന്ന് ഷീല പറഞ്ഞു. തനിക്ക് ദുരനുഭവമുണ്ടായിട്ടില്ല. പക്ഷേ, സെറ്റില് ചില സ്ത്രീകള് അവര് നേരിട്ട മോശം അനുഭവങ്ങളെക്കുറിച്ച് പരസ്പരം പറയുന്നതിനെക്കുറിച്ച് കേട്ടിട്ടുണ്ട്. അന്നൊന്നും അതു തുറന്ന് പറയാനുള്ള അവസരങ്ങളോ സാഹചര്യങ്ങളോ ഉണ്ടായിരുന്നില്ല. ഇത്രയും പേരുകള് ഉള്ളപ്പോള് എന്തിനാണ് ചില നടന്മാരുടെ പേരുകള് മാത്രം പറയുന്നതെന്ന് അറിയില്ല. കുറ്റം ചെയ്തിട്ടുണ്ടെങ്കില് ശിക്ഷിക്കപ്പെടണം.
