കെട്ട്യോളാണ് എന്റെ മാലാഖ…..ഭാര്യ മരിച്ച് അഞ്ചാം ദിവസം ഭർത്താവ് തൂങ്ങി മരിച്ചു

തിരുവനന്തപുരം: ഭാര്യ മരിച്ച് അഞ്ചാം ദിവസം ഭർത്താവിനെ വീട്ടിൽ തൂങ്ങി മരിച്ചനിലയിൽ കണ്ടെത്തി. തിരുവനന്തപുരം മലയിൻകീഴ് ട്രഷറി റോഡിനു സമീപം കട നടത്തുന്ന കണ്ടല കുളപ്പള്ളിവിളാകം നന്ദനം വീട്ടിൽ എസ്. പ്രഭാകരൻനായർ(53) ആണ് മരിച്ചത്.മാർച്ച് എട്ടാം തീയതി പ്രഭാകരൻ നായരുടെ ഭാര്യ മഞ്ജുഷ ഹൃദയാഘാതം മൂലം മരണപ്പെട്ടിരുന്നു. ഇതിന് ശേഷം കടുത്ത വിഷാദത്തിലായിരുന്നു പ്രഭാകരൻ നായർ. മഞ്ജുഷയുടെ സഞ്ചയനകർമ്മം നടത്താനുള്ള ഒരുക്കങ്ങൾക്കിടെയാണ് പ്രഭാകരൻ നായരെ തൂങ്ങിമരിച്ച നിലയിൽ കണ്ടെത്തിയത്. മാർച്ച് എട്ടിന് രാവിലെ വീട്ടിൽവെച്ച് കുഴഞ്ഞുവീണ മഞ്ജുഷയെ മലയിൻകീഴ് താലൂക്ക് ആശുപത്രിയിലും അവിടെ നിന്നും തിരുവനന്തപുരം മെഡിക്കൽകോളേജ് ആശുപത്രിയിലുംപ്രവേശിപ്പിച്ചിരുന്നെങ്കിലും ഹൃദയാഘാതം മൂലം മരിച്ചു. ഞായറാഴ്ച മഞ്ജുഷയുടെ സഞ്ചയന കർമ്മങ്ങൾക്കുള്ള ഒരുക്കങ്ങൾ നടക്കുന്നതിനിടയിലാണ് പ്രഭാകരൻനായരുടെ മരണം. ഈ ദമ്പതികൾക്ക് മക്കളില്ല. ശനിയാഴ്ച ഊണ് കഴിഞ്ഞ് വീട്ടിലെ മുറിയിൽ കയറിയ പ്രഭാകരൻനായരെ പിന്നീട് തൂങ്ങി മരിച്ച നിലയിലാണ് ബന്ധുക്കൾ കണ്ടത്.

Related Articles

Leave a Reply

Your email address will not be published. Required fields are marked *

Back to top button