കാവ്യാമാധവന്റെ ബോട്ടിക്കിൽ തീപിടിത്തം

കൊച്ചി: കാവ്യാമാധവന്റെ കൊച്ചിയിലെ ബോട്ടിക്കിൽ തീപിടിത്തം. തുണിയും ഉപകരണങ്ങളും കത്തി നശിച്ചു. അപകടകാരണം വ്യക്തമല്ല. ലക്ഷങ്ങളുടെ നഷ്ടം ഉണ്ടായെന്നാണ് വിലയിരുത്തൽ. അട്ടിമറി നടന്നോ എന്ന് പൊലീസ് പരിശോധിക്കും.

ഇടപ്പള്ളി ഗ്രാന്റ് മാളിലെ ലക്ഷ്യാ ബ്യൂട്ടിക്കിലാണ് തീ പിടിത്തമുണ്ടായത്. പുലർച്ചെ മൂന്ന്
മണിയോടെയായിരുന്നു തീപിടിത്തം. ഏറെ നാൾ സിനിമയിൽ നിന്നും മാറിനിന്ന കാവ്യ ഫാഷൻ ഡിസൈനിങ് പഠിച്ച സഹോദരൻ മിഥുന്റെ പിന്തുണയോടെയാണ് ലക്ഷ്യ തുടങ്ങിയത്. ദിലീപുമായുള്ള വിവാഹ ശേഷമായിരുന്നു ഇത്. നടിയെ ആക്രമിച്ച കേസിലും ഈ സ്ഥാപനത്തിനെതിരെ ആരോപണങ്ങൾ ഉയർന്നിരുന്നു. അതുകൊണ്ട് തന്നെ ഈ സ്ഥാപനത്തിലെ തീ പിടിത്തത്തെ ഗൗരവത്തോടെയാണ് പൊലീസ് കാണുന്നത്.